Ukrayna prezidenti Volodimir Zelenski ABŞ prezidenti Donald Tramp və vitse-prezident Cey Di Vensə müraciət edib ki, hər kəsin müharibə problemləri var, amma onlar indi bunu hiss edə bilmirlər, çünki onların arasında “gözəl okean” var, hərçənd bunu hiss edəcəklər. Bu, Trampı və Cey Di Vensi qəzəbləndirib.Tramp cavabında qeyd edib ki, Ukrayna prezidenti onlara necə hiss etməli olduqlarını diktə etmək mövqeyində deyil.

Cey Di Vens Ukrayna liderini “hörmətsizlikdə” ittiham edib. Prezidentlər arasında sözlü mübahisəyə Cey Di Vansın “atəşkəs razılaşmasına nail olmağın yolunun diplomatiyadan keçidiyini və Trampın bu yoldan getdiyi” şərhi səbəb olub.

Zelenski vitse-prezidentə deyib ki, Rusiya Ukraynanı 2014-cü ildə işğal etməyə başlayıb. O, həmçinin qeyd edib ki, Vladimir Putin Fransa prezidenti Emmanuel Makron və Almaniyanın sabiq kansleri Angela Merkel ilə birlikdə atəşkəs sazişi imzalayıb, lakin buna baxmayaraq, o, genişmiqyaslı müharibəyə başlayıb və bütün bunlar Amerika administrasiyasında bir çox liderlərin dəyişdiyi bir vaxtda baş verir.

Donald Trampın dediyinə görə, o, heç bir ölkənin tərəfində deyil. O, həmçinin qeyd edib ki, Rusiya lideri haqqında pis fikirlər söyləmək, sonra telefonu götürüb Vladimir Putindən sülh sazişinin necə getdiyini soruşmaq mümkün deyil, çünki razılaşma belə olmur. Tramp həmçinin bildirib ki, Volodimir Zelenski Putinə qarşı nifrətlə doludur.

Ağ Evdə Volodimir Zelenski ilə Donald Trampın görüşü mübahisə fonunda keçirilir.