Ukrayna Prezidenti Volodimir Zelenski “İstəklilər koalisiyası”nın görüşündən sonra bildirib ki, bu gün Ukrayna üçün xüsusilə vacib idi.

Prezident dəstəyə və yardımı davam etdirməyə hazır olduqlarına görə bütün tərəfdaşlara təşəkkür edib.

“Bu gün bütün tərəfdaşlar təsdiqlədilər ki, gələn il Ukraynanı dəstəkləməyə davam edəcəklər, xüsusilə həlledici əhəmiyyətə malik olan maliyyə dəstəyini”, – Zelenski qeyd edib.

Zelenskinin dediyinə görə, Yaponiyanın yeni baş naziri ilk dəfə olaraq “İstəklilər koalisiyası”na qoşulub. Bununla yanaşı, Ukrayna Prezidenti Rusiyanın Ukraynanın enerji sisteminə qarşı davam edən hücumlarına diqqət çəkib.

Volodimir Zelenski əsas müdafiə prioritetlərini açıqlayıb.

“Bu gün biz tərəfdaşlarımızla sistemlər haqqında ətraflı danışdıq. Tərəfdaşlarımızın ən praktik və effektiv məsələlərə fokuslanması vacibdir”, – Ukrayna prezidenti qeyd edib.

Bununla yanaşı, Volodimir Zelenski vurğulayıb ki, cəbhəyə ciddi diqqət lazımdır.

Ukrayna Prezidentinin dediyinə görə, diplomatiya yalnız real və həqiqi həll yollarına gətirib çıxara bildiyi zaman vacibdir.

“Biz təkcə “Rosneft” və “Lukoil”ə deyil, həm də bütün Rusiya neft şirkətlərinə, həmçinin kölgə donanmasına və onun infrastrukturuna, Rusiya neft terminallarına təzyiq göstərməliyik”, – deyə Zelenski bildirib.