Volodimir Zelenski BMT-nin Baş Assambleyası çərçivəsində Co Baydenlə görüş keçirib
Ukraynanın Prezidenti Volodimir Zelenski BMT-nin Baş Assambleyası çərçivəsində Nyu-Yorkda ABŞ Prezidenti Co Baydenlə görüş keçirib. Məlumatı Zelenskinin ofisi yayır.
Ukraynanın Prezidenti Baydenə və Amerika Birləşmiş Ştatlarına ukraynalıların həyatını xilas edən və ölkənin müstəqilliyini qoruyub saxlamasına kömək edən Ukraynaya göstərdikləri dəstəyə görə təşəkkür edib.
Zelenski Baydeni cəbhədəki mövcud vəziyyətlə də tanış edib.
“Volodimir Zelenski diqqətini Qələbə Planına yönəldib. Liderlər sentyabrın 26-da Vaşinqtonda danışıqlar zamanı bu məsələni müzakirə edəcəkləri haqda razılığa gəliblər” – Prezident Administrasiyasının bəyanatında deyilir.
Prezidentlər həmçinin “Böyük Yeddilik” və Ukraynanın bərpasına həsr olunmuş Ukraynanın xüsusi görüşündə iştirak ediblər.
Xatırladaq ki, 30-dan çox ölkə və Avropa İttifaqı Ukraynanın müharibədən sonrakı bərpası ilə bağlı bəyannamə imzalayıb.