Volodimir Zelenski bildirir ki, Rusiyanı müharibəni bitirməyə məcbur etmək üçün Ukrayna Təhlükəsizlik Xidmətinin 40 günlük əməliyyatını təsdiqləyib

Ukrayna Prezidenti Volodimir Zelenski bildirir ki, o, Rusiyanı müharibəni bitirməyə məcbur etmək üçün Ukrayna Təhlükəsizlik Xidmətinin 40 günlük əməliyyatını təsdiqləyib.

“Xidmətin təcavüzkar dövlətə təsir göstərmək və onu müharibəyə son qoymağa təşviq etmək üçün 40 günlük əməliyyatı təsdiqlənib”, – Zelenski sosial şəbəkədə yazır.

Onun sözlərinə görə, Təhlükəsizlik Xidməti ardıcıl bir neçə ay ərzində cəbhə xəttində Ukrayna mövqelərinin müdafiəsində müxtəlif növ dronlardan istifadə etməklə üzərinə düşən vəzifələrin öhdəsindən lazımi şəkildə gəlib.

Zelenski qeyd edib ki, “Alfa” Xüsusi Əməliyyatlar Mərkəzi işğalçı qüvvələrin şəxsi heyətinin və hərbi texnikasının mühüm hissəsini məhv etməyə nail olub.

“Mühümdür ki, Təhlükəsizlik Xidməti artıq bir neçə aydır müxtəlif növ dronlardan istifadə edərək cəbhə xəttində Ukrayna mövqelərinin müdafiəsində ən yüksək göstəricilər nümayiş etdirir. “Alfa” Xüsusi Əməliyyatlar Mərkəzi işğalçı qüvvələrin şəxsi heyətinə və hərbi texnikasına endirilən zərbələrin nəticələrinə görə liderdir. Ukraynanın daxili təhlükəsizliyi qarşısında dayanan çağırışları ayrıca müzakirə etdik. Dövlətimizi və ukraynalıları qoruduğunuz üçün təşəkkür edirəm!“,- deyə Zelenski sosial şəbəkədə yazır.