Ukrayna prezidenti Vladimir Zelenskinin bildirdiyinə görə, Rusiya sülh sazişi ilə bağlı bütün təklifləri rədd edir və müharibəni uzatmağa çalışır.

Zelenskinin videomüraciətində qeyd etdiyi kimi, Rusiyaya qarşı daha çox sanksiyalara ehtiyac var və Ukrayna sülhə nail olmaq üçün liderlər səviyyəsində görüşməyə hazırdır.

“Dünyanın bir çox ölkəsi Ukraynanı dəstəklədi və Rusiya terrorunu, onların hücumlarını və müharibəyə dayandırmaqdan imtinasını qınadı. Atəşkəs təklifləri uzun müddətdir danışıqlar masasındadır – Ukrayna təklifləri, amerikan təklifləri və dünyanın bir çox lideri bu məsələni Rusiya ilə gündəmə gətirib. Hər dəfə yeganə cavab daha çox müharibə və daha çox terror üçün vaxt qazanmaq cəhdi olur. Rusiyanın hərəkət etdiyi yəganə yol budur. Ukrayna bir daha təşəbbüslə çıxış edir – texniki səviyyədə müzakirələrdən və sadə bəyanatlar mübadiləsindən kənara çıxaq və liderlər səviyyəsində real görüş keçirək”, – Zelenski bildirib.