Volodimir Zelenski bildirir ki, Donald Trampın xüsusi nümayəndələri Stiv Uitkoff və Cared Kuşner Ukraynaya səfərə hazırlaşırlar

Ukrayna Prezidenti Volodimir Zelenski ABŞ Prezidenti Donald Trampın nümayəndələri ilə danışıqlardan sonra bəyan edib ki, Stiv Uitkoff və Cared Kuşner Ukraynaya səfərə hazırlaşırlar.

Kuşner və Uitkoff ilə danışıqlardan sonra Zelenski qeyd edib ki, “onlar Rusiya tərəfi ilə görüşlərə və müvafiq kommunikasiyaya”, həmçinin “Ukraynaya səfərə” hazırlaşırlar.

“Biz öz mövqelərimizi müzakirə etdik. Stiv və Caredə Ukraynadakı vəziyyətin dəyişməsi, həm cəbhədəki vəziyyət, həm də Rusiyanın hücumları barədə məlumat verdim. Rusiyanı müharibəni bitirməyə sövq etmək üçün nələrin edilə biləcəyini nəzərdən keçirdik. Moskvada, Putində müharibəni davam etdirmək istəyi deyil, onu bitirmək yönündə müvafiq əhval-ruhiyyənin olması lazımdır. Hazırkı mərhələdə, təəssüf ki, həm bizim, həm də tərəfdaşlarımızın kəşfiyyat məlumatları və Rusiyadan gələn bütün siqnallar şəxsən Rusiya liderinin hələ də müharibə istədiyini göstərir. Hətta onun cəmiyyətinin mütləq əksəriyyəti müharibənin təmas xəttində dayandırılmasına razı olduğu halda belə”, – Zelenskinin ofisinin bəyanatında qeyd edilib.