Volodimir Zelenski – ABŞ ilə müqavilənin yekun variantı hazırdır

Ukrayna prezidenti Volodimir Zelenskinin bildirdiyinə görə, ABŞ-la müqavilənin yekun variantı hazırdır.

Zelenskinin söylədiyinə görə, ABŞ-la minerallar haqqında sazişin yekun variantında heç bir yerdə Ukraynanın keçmiş yardımlara görə borclu olduğu qeyd olunmur.

Volodimir Zelenskinin bildirdiyinə görə, ukraynalı rəsmi şəxslər gələcək razılaşmanın yekun variantına çox müsbət yanaşırlar.

“Oraya əlavə etdiyim əsas suallar – orada çox yaxşı səslənir. Həm ukraynalı, həm də amerikalı komandalar işləyirdi. Mənim üçün əsas o idi ki, mediada eşidilənə baxmayaraq, biz borclu deyilik. Müqavilədə nə 500 milyard borc var, nə də 350 və ya 100 milyard, çünki bu, bizə haqsızlıq olardı. Söhbət fonddan gedirsə, bu da bu çərçivə müqavilində həll olunmuş məsələdir. Biz tərəfdaşlıq haqqında danışmağa hazırıq və tərəfdaş olmağımız vacibdir. Bu fond amerikalı deyil, ukraynalı-amerikandır. Növbəti razılaşma fondla bağlıdır. Onsuz da hansısa ortaqlıq, pul və s. və bundan sonra müqavilə artıq Ukrayna parlamentində məcburi ratifikasiya olunacaq”, – Volodimir Zelenski bildirib.

Ukrayna lideri ümid edir ki, ABŞ-la ilkin razılaşma “sonrakı sövdələşmələrə gətirib çıxaracaq”.

Zelenski Amerikanın təhlükəsizlik zəmanətlərinin hələ razılaşdırılmadığını təsdiqləyib.