Rusiya prezidenti Vladimir Putin Avropa İttifaqının Rusiyanın dondurulmuş aktivlərindən istifadə etmək cəhdini “oğurluq” adlandırıb.

Putinin dediyinə görə, Rusiya öz maraqlarını, o cümlədən məhkəmələrdə müdafiə edəcək.

“Bu, oğurluqdur və oğrular üçün nəticələr çox ciddidir. Başqasının pulunu oğurlamaqla bağlı qərarlar vermək asan deyil. Lakin bunu etməyə cəhd edənlər üçün başqa, daha ciddi nəticələr də mövcuddur. Bu, təkcə imicə vurulan zərbə deyil – bu halda bu, avrozonaya olan etimadı sarsıdır, çünki bir çox ölkə, təkcə Rusiya deyil, öz qızıl və valyuta ehtiyatlarını avrozonada saxlayır. Nə oğurlasalar da, bunu necə etsələr də, sonda onu geri qaytarmaq məcburiyyətində qalacaqlar. Digər məsələlərlə yanaşı, biz ilk növbədə məhkəmələrdə öz maraqlarımızı müdafiə edəcəyik. Biz siyasi qərarlardan asılı olmayan bir yurisdiksiya tapmağa çalışacağıq”, – Vladimir Putin bildirib.