Viktor Orban yenidən “Fidesz” partiyasının lideri seçilib

Parlament seçkilərində məğlub olmasına baxmayaraq, Viktor Orban yenidən “Fidesz” partiyasının lideri seçilib. Bu barədə “Reuters” yazır.

Nəşrin məlumatına görə, Macarıstanın keçmiş baş naziri daha bir il müddətinə partiya lideri seçilib.

Dövlət xəbər agentliyi MTI-nin məlumatına görə, “Fidesz” partiyasının qurultayında 737 nümayəndədən 729-u ona səs verib. Ona qarşı heç bir rəqib mübarizə aparmayıb.

“Mən təslim olmuram, heç vaxt, heç vaxt, heç vaxt, heç vaxt, heç vaxt, heç vaxt təslim olmuram”, – Orban səsvermədən əvvəl konqresə bildirib və bir daha təkrar edib ki, seçkilərdəki məğlubiyyətə görə tam məsuliyyəti öz üzərinə götürür.

Bununla yanaşı, Orban bəyan etdi ki, “Fidesz” 16 il ərzində “fantastik hakim partiya” olub, lakin yenidən hakimiyyətə gəlməyə hazır olacaq funksional bir müxalifət partiyasına çevrilmək üçün dəyişikliklər etməli idi.

Məlumat üçün bildirək ki, Macarıstanda 12 apreldə parlament seçkiləri keçirildi. Müxalifət partiyası Peter Magyarın “Tisza” partiyası seçkilərdə qalib gəldi və Viktor Orbanın 16 illik hakimiyyəti başa çatdı. “Tisza” seçkilərdə səslərin 53 faizini qazandı, lakin Macarıstan qanunvericiliyinə uyğun olaraq, parlamentdəki yerlərin 2/3-dən çoxunu əldə etdi.