Macarıstanın Baş naziri Viktor Orban bildirir ki, Ukraynanın məqsədi Avropa İttifaqına mümkün qədər tez üzv olmaq və maliyyə yardımı almaqdır.

Onun sözlərinə görə, Macarıstan bundan imtina edir.

Bununla yanaşı, Orbanın qeyd etdiyinə görə, ukraynalılar hazırda Macarıstanın seçkilərinə də müdaxilə edirlər.

“Ukraynalılar hücuma keçiblər. Onlar hədələyir və Macarıstanın seçkilərinə açıq şəkildə müdaxilə edirlər. Məqsədləri fondlar əldə etmək və mümkün qədər tez Avropa İttifaqına zorla daxil olmaqdır. Avropa İttifaqının üzvü olaraq Macarıstanın imtina etmək hüququ var. Patriotik hökumətimiz qəti şəkildə bundan imtina edir. Biz macar ailələrinin pullarının Ukraynaya göndərilməsini istəmirik və Macarıstanın müharibəyə cəlb olunmasını da istəmirik. Biz göstərməliyik ki, macarları hədələmək və qorxutmaq olmaz. Biz belə yaradılmamışıq. Brüssellə yanaşı, Kiyevə də aydın mesaj göndəririk – biz vəsait ödəməyəcəyik”, – Orban yazır.

Məlumat üçün bildirək ki, Macarıstanda parlament seçkiləri 2026-cı ilin aprelin 12-də planlaşdırılıb.