Viktor Orban – Cəmi bir neçə saat və günəş də Brüsseldə fərqli şəkildə parlayacaq, Qərb dünyası Vaşinqtonda vətənpərvər, sülhsevər, ailə tərəfdarı prezidenti qəbul etdi

Macarıstanın baş naziri Viktor Orban bildirir ki, Donald Trampın ABŞ-dakı prezidentliyi Avropada sağçıların güclənməsinə kömək edəcək.

“Cəmi bir neçə saat və günəş də Brüsseldə fərqli şəkildə parlayacaq. ABŞ-da yeni prezident, Brüsseldə böyük bir vətənpərvər fraksiya, böyük həvəs. Belə ki, böyük bir hücum başlamış ola bilər. Bununla mən hücumun ikinci mərhələsinə başlayıram, bunun məqsədi Brüsseli işğal etməkdir”, – Viktor Orban Macarıstanın Avropa İttifaqına sədrliyinə həsr olunmuş konfransda bildirib.

Viktor Orbanın bildirdiyinə görə, Trampın qələbəsi ilə Qərbin liberal siyasəti çağırışlar qarşısında dayanıb.

“Üstümüzdəki ulduzların düzülüşü 2024-cü ilə nisbətən indi daha əlverişlidir. Biz nəinki gücləndik, əksinə liberal siyasətin flaqmanı batdı. Qərb dünyası Vaşinqtonda vətənpərvər, sülhsevər, immiqrasiya əleyhinə, ailə tərəfdarı bir prezidenti qəbul etdi ”, – Orban bildirib.

ABŞ-ın 47-ci prezidenti Donald Trampın andiçmə mərasimi bu gün keçiriləcək.