Avropa Komissiyasının sədri Ursula fon der Layen Livan və İsrail arasında atəşkəs razılaşmasını təqdir edir.

“Prezident Trampın vasitəçiliyi ilə İsrail və Livan arasında əldə edilən on günlük atəşkəsi təqdir edirəm. Bu bir rahatlamadır, çünki bu münaqişə artıq çox insanın həyatına son qoyub. İndi bizə yalnız müvəqqəti fasilə deyil, daimi sülhə aparan bir yol lazımdır.

Avropa Livanın suverenliyinə və ərazi bütövlüyünə tam hörmətlə yanaşmağa çağırışlarını davam etdirəcək. Biz həmçinin Livan xalqına əhəmiyyətli humanitar yardım göstərməyə davam edəcəyik”, – Ursula fon der Layen yazır.

Məlumat üçün bildirək ki, ABŞ Prezidenti Donald Tramp İsrail və Livan arasında on günlük atəşkəs elan ediləcəyini bəyan edib. Atəşkəs Vaşinqton vaxtı ilə saat 17:00-da qüvvəyə minəcək.