Ukraynanın Prezident Ofisində Rusiya ilə danışıqlar üçün zəruri olan dörd şərt təqdim edilib

Ukraynanın Prezident Ofisində Rusiya ilə danışıqlar üçün zəruri olan dörd şərt təqdim edilib. Zelenskinin ofisinin rəhbərinin müşaviri Mixaylo Podoliak , Kremllə danışıqlara başlamaq üçün zəruri olan dörd şərtin hamısının Ukraynaya silah tədarükünü nəzərdə tutduğunu bildirir.

“Rusiya ilə danışıqlar aparmaq üçün düzgün mövqe lazımdır. Bu, dörd sadə komponenti əhatə edir: 1. Uzaq mənzilli artilleriya, reaktiv yaylım atəş sistemləri və Rusiyanın logistikasını məhv etmək üçün ABŞ-ın əməliyyat-taktiki raket sistemləri. 2. Ukrayna şəhərlərini qorumaq üçün hava hücumundan müdafiə və raket əleyhinə sistemlər. 3. Hücumçu PUA-lar – ən yaxşı ovçular, 4. Əks-hücum üçün zirehli texnika” – deyə Podoliak yazır.