Ukrayna Silahlı Qüvvələrinin Baş Qərargahının bildirdiyinə görə, Ukrayna Müdafiə Qüvvələri Xəzər dənizində Rusiyaya məxsus gəmini vurub.

Onların məlumatına görə, Xəzər dənizində “Lukoil” şirkətinə məxsus quyuya hücum həyata keçirilib.

“Dekabrın 19-da, gecə saatlarında Ukrayna Müdafiə Qüvvələri Rusiyanın 22460 layihəli “Oxotnik” hərbi gəmisini uğurla məhv edib. O, Xəzər dənizində neft-qaz platforması yaxınlığında patrul xidməti həyata keçirirdi”, – bəyanatda deyilir.

Medianın məlumatına əsasən, Ukrayna Baş Qərargahının sözlərinə görə, cümə axşamı gecəsi baş vermiş hücum, son bir neçə həftə ərzində Xəzər dənizində Rusiyanın neft-qaz quyularına qarşı edilən zərbələr silsiləsinin bir hissəsidir, hərçənd bu, Ukrayna hərbi qüvvələrinin hücumu rəsmi olaraq etiraf etdiyi ilk haldır.

Ukrayna hərbi qüvvələrinin məlumatına görə, hücum nəticəsində “Filanovsk” neft platformasının qazma platforması zərər görüb.