Ukraynanın Xarici Siyasət Komitəsi Ali Radaya Saakaşvilinin xaricə köçürülməsinin zəruriliyi ilə bağlı qətnamə layihəsini müxtəlif ölkələrin parlamentlərinə yönəlik qəbul etməyi tövsiyə edir

Ukraynanın Xarici Siyasət və Parlamentlərarası Əməkdaşlıq Komitəsi Ali Radaya Gürcüstana, Avropa Parlamentinə, Avropa İttifaqı Şurasına, Avropa Komissiyasına, Avropa Şurası Parlament Assambleyasına və Aİ-yə üzv ölkələrin parlamentlərinə yönəlik Gürcüstanın üçüncü prezidenti, Ukrayna vətəndaşı Mixeil Saakaşvilinin müalicə üçün təcili olaraq xaricə köçürülməsinin zəruriliyi barədə qətnamə layihəsi qəbul etməyi tövsiyə edir.

Komitə qanun layihəsinin müzakirəsinin nəticələrinə əsasən, sözügedən qətnamə layihəsinin Ali Radanın sessiya gündəliyinə daxil edilməsini, ümumi texniki vəziyyəti və hüquqi dəyişiklikləri nəzərə almaqla onun əsas kimi qəbul edilməsini Ali Radaya tövsiyə etmək barədə qərar qəbul edib.