Ukraynalı hərbçilər, desant briqadalarının Rusiya sərhədinin daha bir hissəsini yardığını bildirirlər
Ukraynanın Silahlı Qüvvələrinin 95-ci Əlahiddə Hava Desant Briqadasının döyüşçüləri Rusiya sərhədinin hissələrindən birini yarıblar. Bu haqda məlumatı Ukraynanın Silahlı Qüvvələrinin Hava Desant Qoşunları Komandanlığının rabitə idarəsi yayır.
“Ukraynanın Silahlı Qüvvələrinin 95-ci Əlahiddə Hava Desant Briqadasının bölmələri Rusiya sərhədinin hissələrindən birini yarıblar. Bu, Rusiya Federasiyasının Kursk vilayəti ərazisində əməliyyat başlayandan bəri Rusiya sərhədinin yarılmasının artıq ikinci uğurlu əməliyyatıdır” – bəyanatda deyilir.
Döyüşçülər hərbçilərin müdafiə xəttində girişləri necə kəsdiyini və hava desant bölmələrinin düşmən ərazisinə necə daxil olduğunu göstərən video yayıblar. Həmçinin, videoda sərhədyanı bölgədə hava-desant qoşunlarının tankçılarının düşmənin dayaq məntəqəsini darmadağın etdiyi toqquşmalar göstərilib.
Döyüşçülər Rusiya Federasiyasının sərhədinin hansı hissəsindən bəhs edildiyini dəqiqləşdirməyiblər.