Ukrayna Silahlı Qüvvələrinin Baş Qərargahının bəyanatına görə, Ukrayna Çelyabinsk yaxınlığında yerləşən aerodromda dislokasiya olunmuş qırıcı təyyarələrə zərbə endirib.

Onların məlumatına görə, pilotsuz uçuş aparatları ilə Çelyabinsk vilayətində yerləşən Şaqol aerodromunda dislokasiya olunmuş bir neçə “Su-57” tipli qırıcıya və “Su-34” tipli bombardmançıya zərbə endirilib.

Hücum aprelin 25-də baş verib. Baş Qərargahın bəyanatında qeyd olunub ki, Şaqol Ukrayna sərhədindən təxminən 1700 kilometr məsafədə yerləşir.

“Dəymiş ziyanın miqyası dəqiqləşdirilir”, – Ukrayna Silahlı Qüvvələrinin Baş Qərargahı bildirir.

Ukrayna “Telegram kanallarında” aerodromun 17 və 26 aprel tarixlərində çəkilmiş peyk görüntüləri yayılır. Bloqerlərin bəyanatına görə, bu görüntülər rus hərbi təyyarələrinin zədələndiyinin vizual təsdiqidir. Bu məlumatlarla bağlı Rusiyada hələlik şərh verilməyib.

Rusiya Müdafiə Nazirliyi aprelin 25-də Ukrayna dronlarının Çelyabinsk vilayətinə hücum etdiyini bəyan edirdi. Bölgənin qubernatoru Aleksey Tekslerin sözlərinə görə, dronlar “obyektlərdən birinə” hücum etməyə cəhd ediblər.