Ukrayna Krasnodar bölgəsində yerləşən “Kavkaz” limanına dronlarla hücum edib, üç nəfər yaralanıb. Bu barədə regionun əməliyyat qərargahı məlumat yayır.

Dron qalıqlarının düşməsi səbəbindən limanda gəmi zədələnib.

Qərargahın məlumatına görə, hücum nəticəsində yanğın baş verib və yanğın tez bir zamanda söndürülüb. Yaralılar xəstəxanaya yerləşdirilib.

Əməliyyat qərargahının məlumatına görə, Afipsk neft emalı zavodunda pilotsuz uçuş aparatlarının qalıqlarının düşməsi nəticəsində yanğın baş verib. İlkin göstəricilərə görə, itki olmayıb.

Rusiya Müdafiə Nazirliyi bildirib ki, 14 mart gecə saatlarında hava hücumundan müdafiə qüvvələri 87 Ukrayna dronunu məhv edib, o cümlədən 31-i Azov dənizinin hava məkanında, 16-sı isə Krasnodar diyarında.