Ukraynanın Xarici Kəşfiyyat Xidmətinin məlumatına görə, sülh danışıqlarını pozmaq məqsədilə Rusiya Miladın əvvəlində və ya Milad bayramı günündə itkilərlə nəticələnəcək genişmiqyaslı provokasiyaya hazırlaşır.

“Ukrayna Xarici Kəşfiyyat Xidməti sizə xəbərdarlıq edir ki, Kreml ABŞ-ın vasitəçiliyi ilə davam edən sülh danışıqlarını pozmağa yönəlmiş xüsusi əməliyyatı davam etdirməyi planlaşdırır. Bu əməliyyat mürəkkəb xarakter daşıyır. Putinin iqamətgahına hücumdan sonra biz Kremlin Rusiya və xarici auditoriyanı daha da gərginləşməyə hazırlamaq üçün, Kreml tərəfindən yeni saxta məlumatın yayıldığını müşahidə edirik”, – bəyanatda deyilib.

Bununla yanaşı, kəşfiyyat məlumatına görə, təxribatın yeri dini bina və ya simvolik əhəmiyyətə malik digər bir yer ola bilər.