Ukrayna “F-16″ların təqaüdə çıxmış qərbli pilotlarını kirayəyə götürməyi planlaşdırır
UNSPECIFIED, UKRAINE - AUGUST 4: Ukrainian military member stands next to the first General Dynamics F-16 Fighting Falcon received by Ukraine, on the Day of Ukrainian Air Force on August 4, 2024 in Unspecified, Ukraine. At the event for the Day of Ukrainian Air Force with the participation of President of Ukraine Volodymyr Zelenskyi, the first General Dynamics F-16 Fighting Falcons received by Ukraine were demonstrated. (Photo by Vitalii Nosach/Global Images Ukraine via Getty Images)
Ukrayna “F-16″ların təqaüdə çıxmış qərbli pilotlarını kirayəyə götürməyi planlaşdırır. Bu haqda Kiyevdə səfərdə olan və Ukraynanın Prezidenti Volodimir Zelenski ilə görüşən amerikalı senatorlar Lindsi Qrem və Riçard Blumental bildiriblər.
“Prezident Zelenski NATO ölkələrindən “F-16″ların sabiq pilotlarını kirayəyə götürmək proqramını yaratmaqla Ukraynanın Silahlı Qüvvələrini əlavə olaraq pilotlarla təmin etməyi planlaşdırdığını bildirdi. Biz bu səyi dəstəkləyirik” – senator Riçard Blumentalın veb saytında dərc olunmuş bəyanatda qeyd olunub.
Respublikaçı senator Lindsi Qrem Kiyevdə keçirilən brifinqdə bildirib ki, ukraynalı pilotlar hələ də “F-16″ları idarə etməyi öyrənərkən, qərbli pilotların kirayəyə götürülməsi ilə Ukrayna aviasiyası “F-16″ları daha tez döyüşə cəlb edə biləcək.