Ukrayna bölgələrinə Rusiya tərəfindən həyata keçirilən hücum nəticəsində üç dinc sakin həlak olub, 13 nəfər isə yaralanıb.

Ukrayna mediasının məlumatına görə, Rusiya Zaporojye, Xerson və Donetsk yaşayış məntəqələrinə hücum edib. Zaporojye bölgəsində Rusiya hücumları nəticəsində bir nəfər həlak olub, dörd nəfər isə yaralanıb.

Son 24 saat ərzində Rusiya qoşunları bölgədə 29 yaşayış məntəqəsinə 636 zərbə endirib. Xerson vilayətinin onlarla yaşayış məntəqəsi, o cümlədən Xerson və Berıslav, Rusiya tərəfindən dronlar, təyyarələr və artilleriya ilə atəşə tutulub.

Rusiya ordusu kritik və sosial infrastrukturu və yaşayış ərazilərini bombalayıb. Hücumlar nəticəsində 1 nəfər həlak olub, 6 nəfər yaralanıb.

Rusiya hərbçiləri həmçinin çoxmərtəbəli binalara, şəxsi evlərə, ofislərə, qaz kəmərlərinə, kənd təsərrüfatı texnikasına və nəqliyyat vasitələrinə ziyan vurub.

Donetsk bölgəsində rus əsgərləri dekabrın 25-də bir Kostyantinivka sakinini öldürüb. Bölgədə daha üç nəfər yaralanıb.