Ukrayna Baş Qərargahının məlumatına görə, Ukrayna dronlardan istifadə edərək Krasnodar vilayətində və Samara bölgəsində yerləşən neft emalı zavodlarına hücum edib.

Ukrayna Silahlı Qüvvələrinin Baş Qərargahında bildiriblər ki, ukraynalı hərbçilər “düşmənin hücum potensialını azaltmaq və işğalçıların hərbi hissələrinin yanacaq təminatını gecikdirmək” üçün çalışırlar.

Ukrayna Baş Qərargahının məlumatına görə, Krasnodar vilayətində yerləşən zavod ildə üç milyon ton neft məhsulları istehsal edir. o cümlədən benzin, dizel, aviasiya yanacağı.

Ukrayna dronlarının zərbələrinin nəticələri hələlik məlum deyil.

Həmçinin Baş Qərargahının məlumatına görə, Samarada yerləşən zavod artıq ikinci dəfədir ki, Ukrayna dronlarının hədəfi olub. Zavod benzin, dizel və aviasiya yanacağı ilə yanaşı, həmçinin mazut istehsal edir. O ildə 8,5 milyon barel neft məhsulları istehsal edir.