Gürcüstanın 21 yaşadək futbolçulardan ibarət yığması sentyabrın 5-də Batumidə Moldovanı qəbul edəcək – matç saat 20:00-da “Batumi Arena”da başlayacaq, Gürcüstanın Birinci Kanalı birbaşa reportajı sizə təqdim edəcək.
Gürcüstan və Moldovanın gənclərdən ibarət yığmalarının oyununun biletlərini tkt.ge saytındakı oyun səhifəsindən əldə etmək olar, bundan başqa “Batumi Arena”da sentyabrın 5-i saat 11:00-dan etibarən kassalar işləyəcək.
Oyundan əvvəl gənclərdən ibarət yığmanın baş məşqçisi Ramaz Svanadze komandanı “Batumi Arena”da məşq etdirib, daha sonra yaxınlaşan oyunu şərh edib:
“Gürcüstanın gənclərdən ibarət yığması son vaxtlar kifayət qədər yaxşı nəticələr göstərib. Hazırlaşmaq üçün elə də çox vaxtımız yox idi, hərçənd bu qısa müddətdən maksimum istifadə etməyə çalışdıq. Futbolçularıma inanıram, uzun müddətdir birlikdə gəlirik və uğurlu dövr keçiririk. İndi yalnız turnir baxımından böyük əhəmiyyət kəsb edən Moldova ilə oyun haqda düşünürük. Biz hazırıq, lakin hər şey yalnız meydanda həll olunacaq.
Azarkeşlərdən xahiş edirəm, gəlib bizi dəstəkləsinlər, çünki azarkeşlərimiz bizi həvəsləndirəndə tam fərqli komandayıq”.
Moldova ilə oyundan sonra Ramaz Svanadzenin komandası Venloya yola düşəcək və Niderlandın 21 yaşadək futbolçulardan ibarət yığması ilə qarşılaşacaq.
Gənclərdən ibarət yığmanın tərkibi:
Qapıçılar: Mixeil Makatsaria (“Dinamo Tbilisi”), Luka Xaratişvili (“Dinamo” Batumi), Levan Tandilaşvili (“Telavi”).
Müdafiəçilər: Davit Qoqotişvili (“Telavi”), Saba Xvadaqiani, Nikoloz Uqrexelidze (hər ikisi – “Dinamo Tbilisi”), Saba Mamatsaşvili (“Sirius”, İsveç), Zurab Ruxadze (“Dila”), David Zurabiani (“Kolxeti” Poti) , Lado Odişvili (“Telavi”), Saba Sazonovi (“Empoli”, İtaliya).
Yarımmüdafiəçilər: Laşa Odişaria (“RFS Riga”, Latviya), Otar Mamaqeişvili, Qizi Mamaqeişvili (hər ikisi – “İberia 1999”), Levan Osiğmaşvili (“Dinamo Tbilisi”), İrakli Eqoiani (“Vites”, Niderland), Luka Qaqnidze (“Dinamo Moskva”, Rusiya), Nodar Lominadze (“Dila”), Tornike Morçiladze (“Telavi”).
Hücumçular: Vasilios Qordeziani (“Dinamo Tbilisi”), Qiorqi Kvernadze (“Frosinone”, İtaliya), Qiorqi Abuaşvili (“Kolxeti” Poti), Caduli İobaşvili (“Dinamo Tbilisi”).
