Türkiyədə silahlı şəxs restoranlardan birində və ətraf ərazidə atəş açıb, nəticədə dörd nəfər həlak olub, səkkiz nəfər isə yaralanıb, – bu barədə “BBC” Türkiyə mediasına istinadən yazır.

Hadisə Türkiyənin cənub hissəsində, Mersin əyalətinin Tarsus şəhərində baş verib. Yayılan məlumata görə, atışma restoranlardan birində başlayıb, daha sonra şübhəli şəxs avtomobillə qaçaraq gizlənib.

Medianın məlumatına görə, restoranda iki nəfər, ehtimal ki, sahibi və işçilərdən biri həlak olub. Hücumçu daha sonra digər yerlərdə atəş açmağa davam edərək daha iki nəfəri qətlə yetirib.

Polis şübhəlinin saxlanılması üçün helikopterin də iştirak etdiyi genişmiqyaslı əməliyyata başlayıb.

Hazırda hücum edənin şəxsiyyəti və hücumun motivi məlum deyil.