Türkiyədə 7 günlük matəm elan edilib
Türkiyə Prezidenti Rəcəb Tayyib Ərdoğan ölkədə 7 günlük matəm elan edib.
Bir həftə ərzində bütün ölkə miqyasında və xaricdə Türkiyənin diplomatik nümayəndəliklərinin binaları üzərində bayraqlar endiriləcək.
Bu gün Türkiyənin cənubunda baş verən iki dağıdıcı zəlzələdə 1650-dən çox insan həyatını itirib. Xəsarət alanların sayı 11 mini ötüb.