“Mən zorakılıq kadrları gördüyüm zaman ürəyim ağrıyır və onların hisslərini paylaşıram”, – bu barədə Tsotne İvanişvili jurnalistin sualını cavablandırarkən dbildirib.

Onun dediyinə görə, ölkədə ədalətin olması vacibdir.

“Ölkədə ədalətin olmasını da vacib hesab edirəm. Bunu məhkəmə və müvafiq strukturlar müəyyən edir. Mən adi gürcü gənciyəm, adi gürcü gənci kimi bura Ailə müqəddəsliyi ilə bağlı fikrimi bildirmək üçün gəlmişəm, siz nəyi soruşursunuzsa, onu məhkəmə və rəsmi strukturlar müəyyən edir. Atamın da gürcü insanına qarşı zorakılığa görə ürəyi çox ağrıyır və o, ən çox gürcü gənclərini sevir. Sizə artıq dediyim kimi, ölkədə ədalətin olması vacibdir”, – deyə Tsotne İvanişvili bildirib.