Tonqa yaxınlığında 7,1 bal gücündə zəlzələ baş verib

Tonqa yaxınlığında 7,1 bal gücündə zəlzələ baş verib.

“Associated Press”in məlumatına görə, ada dövləti yaxınlığında baş verən güclü zəlzələdən sonra sunami təhlükəsi ilə bağlı xəbərdarlıq edilib.

ABŞ Geoloji Xidmətinin göstəricilərinə görə, zəlzələ əsas adanın 100 kilometr şimal-şərqində baş verib.

Sakit Okean Sunami Xəbərdarlıq Mərkəzi sahillərdə mümkün təhlükəli dalğalar barədə xəbərdarlıq edib.

Tonqa, 171 adadan ibarət və 100.000-dən çox əhalisi olan Polineziyada bir ölkədir. Onların əksəriyyəti əsas ada olan Tonqatapuda yaşayır.