Tokioya işgüzar səfəri çərçivəsində Aleksandre Xvtisiaşvili Yaponiyanın Xarici İşlər üzrə Dövlət Naziri ilə görüşüb

Gürcüstan xarici işlər nazirinin müavini Aleksandre Xvtisiaşvili Tokio şəhərinə işgüzar səfəri çərçivəsində Yaponiyanın xarici işlər üzrə dövlət naziri Aiano Kunimitsu ilə görüş keçirib.

Gürcüstanın Yaponiyadakı Səfirliyinin məlumatına görə, görüşdə tərəflər Gürcüstan və Yaponiya arasında əməkdaşlığın aktual məsələlərini müzakirə ediblər.

Beynəlxalq təşkilatlar çərçivəsində namizədlərin qarşılıqlı dəstəyi, yüksək səviyyəli səfərlərin mübadiləsinin vacibliyi və iki ölkənin şəhərləri arasında əlaqələrin dərinləşdirilməsi perspektivləri xüsusilə qeyd edilib.