“İdman baxımından isti və müsbət emosiyalarla dolu bir ilimiz var. Biz, eləcə də tamaşaçılar Avro-2024 və müstəqillik əldə etdikdən sonra bizə görünməmiş sayda medal qazandıran Olimpiada ilə bağlı eyforiyadan çıxa bilməmişik” – İctimai Yayımçının baş direktoru Tinatin Berdzenişvili Gürcüstanın Birinci Kanalının “Timeout” verilişində deyib.

“Mən subyektiv olacağam və deyəcəyəm – mənim ən sevimli mövzum paraidmandır. Paralimpiya oyunlarında paraidmançılarımızın göstərdiyi nəticələr, bu nəticələrin cəmiyyətə təsiri ilə çox qürur duyuram. İctimai Yayımçının funksiyası məhz əhalinin televiziya, radio və onlayn efirə ehtiyac duyan qruplarına xidmət göstərməkdir. Bir insanın belə motivasiyası artıbsa, bu, bizim üçün ən yaxşı nəticədir. Paralimpiadanı iştirak baxımından Olimpiada ilə müqayisə edə bilərəm – böyük reaksiya ilə müşaiyət olundu.

Bütün bunlar rəqəmlərlə ölçülür və nəticəni də buradan öyrənirik. Gürcüstanın Birinci Kanalı Paralimpiya Oyunlarına təxminən 80 saat vaxt ayırmışdı, bu da digər iri xarici televiziyalar üçün də nümunədir. Rəqəmlərdən danışdığım üçün əlavə edirəm: 3 gün ərzində Birinci Kanalda Avropa çempionatının translasiyalarının 4 923 000 tamaşaçısı var idi. Həmçinin 572 min nəfər – Birinci Kanal İdmanın və bir milyon insan – onlayn medianın tamaşaçısı idi. Bu o deməkdir ki, idmana maraq görünməmiş dərəcədə yüksəkdir.

Bütün yay boyu yorulmadan çalışan idman komandasına təşəkkür etmək istəyirəm. Həmçinin, vurğulamaq istəyirəm ki, Birinci Kanalın texniki komandası Avropa çempionatının seçmə mərhələsinin translasiyalarına xidmət göstərir, bu da çox qürurvericidir. Yazdan yeni kanalımız var – Birinci Kanal İdman. Bu layihə üç istiqamətdə mühümdür:

Birinci – gürcü idmanına dəstək. İdman federasiyaları ilə görüşdük və onların hər biri əməkdaşlığa hazır olduqlarını təsdiqlədilər.

İkinci hissə Birinci Kanalın malik olduğu unikal arxivdir. Arxivimizdəki filmlərimizin nə qədər insan cəlb etdiyini gördük.

Üçüncü xarici idmandır. Biz “Eurovision Sports”un yeganə tərəfdaşıyıq. Birinci Kanal İdmanda daha çox translasiyalar olacaq. İstənilən proqramda dəyər axtarırıq. İdman halında sağlam həyat tərzinin təbliği, gənclərin idmana cəlb edilməsi əsas xarakterik cəhətdir. Biz qadın idmanına çox diqqət yetiririk. Avro 2025 – qadınlar arasında keçiriləcək çempionatın lisenziyasının əldə edilməsi bunun nümunəsi olacaq” – Tinatin Berdzenişvili bildirib.