İctimai Yayımçı hər zaman vətəndaşlarla danışır, o, heç vaxt tərəf olmayıb və olmayacaq, jurnalistlərə təzyiq və bulingə son qoymaq vacibdir – bu barədə İctimai Yayımçının baş direktoru Tinatin Berdzenişvili bildirib.

“İctimai yayımçı azad, müstəqil media vasitəsidir və ona azad mühitdə işləmək imkanı verilməlidir. Hər kəsin təmkinli davranması vacibdir və jurnalistlərə təzyiq göstərmək və bulingə son qoyulsun, çünki yayımçı bu gün ölkəmizdə baş verən reallığı müstəqil və qərəzsiz əks etdirən media vasitəsidir”, – deyə Tinatin Berdzenişvili bildirib.

Onun dediyinə görə, İctimai Yayımçının fövqəladə efiri öz fikirlərini ifadə etmək istəyən şəxslərə həsr olunacaq.

“Razılaşmaya gəlincə, cənab Vaxuşti Menabde bu razılaşmanın tamamilə nizamlı olduğunu səsləndirdi. Biz həqiqətən fövqəladə rejimdə işləyirik. Saat 22:00-da efir vaxtımız həmişə fikirlərini ifadə etmək istəyən insanlara ayrılacaq. Bu tərəflərin bərabərliyinə əsaslanmış zaman olacaq. Qalanları kimin əlaqə saxlayacağı, kimin qonaq gələcəyi və s. texniki detallardır. Həmçinin, bir növ müzakirə aparmaq təklifimiz qüvvədə qalır və buna hazırlıq olarsa, artıq birbaşa efirdə danışacağıq”, – Tinatin Berdzenişvili qeyd edib.