Gürcüstanın Təhsil, Elm və Gənclər Nazirliyi məktəbli formalarının satın alınması ilə bağlı bəyanat yayır.

Bəyanatda qeyd olunduğu kimi, məktəbli formalarının satın alınması məqsədilə yaxın günlərdə “Təhsil Resursları” MMC tərəfindən yeni bazar araşdırması elan ediləcək.

“2026-cı il aprelin 3-də Təhsil, Elm və Gənclər Nazirliyinin “Təhsil Resursları” MMC 2026–2027-ci tədris ili üçün dövlət məktəblərinin ibtidai sinif şagirdləri üçün 1 milyon 801 min məktəbli formasının satın alınmasının təxmini dəyərini müəyyən etmək məqsədilə bazar araşdırması elan edib.

2026-cı il mayın 14-də aparılan bazar araşdırması prosesində ən aşağı qiyməti təqdim edən şirkət bazar araşdırmasında nəzərdə tutulan tələblərə cavab verməyib və satınalma prosedurunda iştirakdan imtina edib.

İctimaiyyətə bildirmək istəyirik ki, yaxın günlərdə “Təhsil Resursları” MMC məktəbli formalarının satın alınması məqsədilə yeni bazar araşdırması elan edəcək”, – deyə Təhsil Nazirliyinin bəyanatında qeyd edilib.