Gürcüstanın mədəniyyət naziri Tea Tsulukiani, Laşa Bakradzenin bəyanatı ilə bağlı nazirliyin müvafiq xidmətində intizam icraatına başlanıldığını bildirib.

Tsulukianinin izahına görə, Mədəniyyət Nazirliyi Laşa Bakradzenin bəyanatını, ilk növbədə, Qiorqi Leonidze adına Dövlət Ədəbiyyat Muzeyinin rəhbərinin bəyanatı nöqteyi-nəzərdən qiymətləndirir.

“Bütün əksəriyyət olmasa da cəmiyyətin çox böyük hissəsi Laşa Bakradzenin bu bəyanatına yalnız bir nöqteyi-nəzərdən baxır – bu, siyasi və ictimai baxış bucağıdır. Biz Mədəniyyət Nazirliyi bu bəyanata bu nöqteyi-nəzərdən də baxırıq, lakin ilk növbədə Mədəniyyət Nazirliyi olduğumuz üçün, nəzarətçi dövlət qurumu kimi bu bəyanata Qiorqi Leonidze adına Dövlət Ədəbiyyat Muzeyinin rəhbərinin bəyanatı nöqteyi-nəzərdən baxırıq. Bilmirəm, cənab Laşa hələ nə qədər xatırlayır, ancaq biz onun bu günə qədər böyük ənənələrə malik, böyük Qoqla Leonidze adına muzeyin rəhbəri, birinci şəxsi olduğunu xatırlayırıq. Müvafiq olaraq biz bu bəyanata dövlət qurumunun rəhbərinin bəyanatı nöqteyi-nəzərdən də baxırıq. Məhz bu səbəbdən, dünən bizim aidiyyatı xidmətimizdə intizam icraatı deyilən, bugünkü materialları ilə şəxsən tanış olmadığım proseslər başlayıb. Mən tanış olan kimi siyasi, ictimai və ya sosial, yaxud sosioloji deyil, qurum olaraq qiymətləndirməmiz olacaq, çünki cənab Laşa bizim əməkdaşımızdır. Kağız üzərində hüquq və vəzifələrinin nə olduğu, işə nə vaxt getməli olduğu və nə vaxt yerində olması, nə etməli olduğu, o cümlədən onun davranış və açıqlamaları da daxil olmaqla nəyə xidmət etməli olduğu yazılıb. Bu səbəbdən qərarımız yaxın gələcəkdə məlum olacaq” – Tea Tsulukiani bildirib.

Məlumat üçün bildirək ki, “Birlik-Milli Hərəkat”ın liderlərindən biri Laşa Bakradze sentyabrın 3-də seçki kampaniyası çərçivəsində keçirilən tədbirdə deyib: “Bizim yanımızda Tina, Tamari, Sopo dayanır, “Gürcü Arzusu”nun nümayəndələrinin sahib olduğu üzr istəyirəm ifadəmə görə “köhnəlmiş simaları” deyil belə insanları təklif edirik.