Gürcüstanın Barış və Vətəndaş Bərabərliyi Məsələləri üzrə Dövlət Naziri Tea Axvlediani ATƏT-in Cənubi Qafqaz üzrə xüsusi nümayəndəsi Kristof Şpets ilə görüş keçirib.

Dövlət Naziri Aparatının məlumatına görə, Tea Axvlediani münaqişənin sülh yolu ilə həlli prosesində ATƏT-in rolunun və fəal iştirakının, o cümlədən Cenevrə beynəlxalq danışıqlarında həmsədrliyi vasitəsilə, əhəmiyyətini vurğuladı və Gürcüstanın beynəlxalq səviyyədə tanınmış sərhədləri daxilində suverenliyinə və ərazi bütövlüyünə verdiyi güclü dəstəyə görə minnətdarlığını bildirib.

“Tərəflər Cenevrə beynəlxalq danışıqlarının əhəmiyyətini müzakirə ediblər. Bununla yanaşı, Erqneti insidentlərinin qarşısının alınması və reaksiya mexanizminin nəticələrini müzakirə ediblər. Söhbət zamanı həmçinin ATƏT-in Gürcüstanın işğal olunmuş bölgələrinə dair mövcud və planlaşdırılan layihələrinə toxunuldu.

Dövlət naziri Barışıq və İştirak siyasətinin həyata keçirilmə prosesini nəzərdən keçirdi və həmkarına gələcək baxışlarını təqdim etdi,  bu baxışlar münaqişə nəticəsində zərər çəkmiş əhalinin sosial-iqtisadi vəziyyətinin yaxşılaşdırılmasını və məqsədini daşıyır”, – Dövlət Naziri Aparatının məlumatında deyilib.

Onların məlumatına görə, tərəflər gələcək sıx əməkdaşlıq barədə razılığa gəliblər.