Daxili İşlər Nazirliyinin Tbilisi Polis Departamentinin Qldani-Nadzaladevi Baş İdarəsinin əməkdaşları tərəfindən müxtəlif vaxtlarda həyata keçirilən əməliyyat tədbirləri və istintaq hərəkətləri nəticəsində xüsusilə külli miqdarda narkotik vasitələrin qanunsuz əldə edilməsi, saxlanılması və işə keçirilməsinə cəhd ittihamı ilə 5 nəfər — 2006-cı il təvəllüdlü S.Ts., 2000-ci il təvəllüdlü V.R., 2006-cı il təvəllüdlü S.M. və keçmişdə mühakimə olunmuş 1995-ci il təvəllüdlü M.O. və 1997-ci il təvəllüdlü T.T. saxlanılıblar.

Cinayət 20 ilədək müddətə azadlıqdan məhrum etməni nəzərdə tutur.

Hüquq-mühafizə orqanlarının əməkdaşları tərəfindən təqsirləndirilən şəxslərin üzərində, yaşayış evlərində və nəqliyyat vasitələrində axtarış zamanı, həmçinin keçirilmiş istintaq eksperimenti zamanı onların göstərdikləri yerlərdən satış üçün hazırlanmış, xüsusilə külli miqdarda müxtəlif növ narkotik vasitələr, o cümlədən “Metadon”, “Alfa-PVP” və “qurudulmuş marixuana” maddi sübut kimi götürülüb.

İstintaq Gürcüstan Cinayət Məcəlləsinin 260-cı maddəsi və 260-cı kvarta maddələri ilə aparılır.