Tbilisidə “Gürcüstanda etnik müxtəliflik: tarixi və müasir baxış” mövzusunda millətlərarası münasibətlərə və vətəndaş inteqrasiyası məsələlərinə həsr olunmuş görüş keçirilib.

Tədbirin təşkilatçılarının məlumatına görə, görüşdə Tbilisi Dövlət Universitetinin gürcü tələbələri, eləcə də 1+4 proqramı üzrə erməni, azərbaycanlı və digər etnik qrupların nümayəndələri iştirak ediblər.

İştirakçılar etnik azlıqların tarixi, mədəniyyəti, ənənələri və müasir həyatı haqqında təqdimatlarla çıxış ediblər.

Təşkilatçıların məlumatına əsasən, tədbir qeyri-hökumət təşkilatı “Yeni Nəsil İnkişafı” tərəfindən həyata keçirilən və Gənclər Agentliyinin dəstəyi ilə reallaşan layihə çərçivəsində keçirilib. Layihənin məqsədi etnik azlıq gənclərinin vətəndaş inteqrasiyasını və təhsil səviyyəsinin yüksəldilməsini təmin etməkdir.