Tbilisi “Travelbook” səyahət nəşrinin sorğusunda Avropanın ən gözəl paytaxtları siyahısına daxil edilib

Almaniyanın “Travelbook” səyahət nəşrinin sorğusunda Tbilisi Avropanın ən gözəl 14 paytaxtı arasında yer alıb. Məlumatı Milli Turizm Administrasiyası yayır.

“Travelbook” sosial şəbəkələrdə – “Facebook” və “Instagram”da 200.000-dən çox abunəçisinə Avropanın 47 paytaxtından hansına səyahət etmək istədiyi və hansının Avropanın ən gözəl paytaxtı olduğu sualı ilə müraciət edib.

“Travelbook” sorğusunun iştirakçıları növbəti paytaxtları: Tbilisi, Roma, Vyana, Lissabon, Paris, Prağa, Stokholm, Kopenhagen, London, Amsterdam, Tallinn, Valletta, Madrid və Afinanı seçiblər.