“Tbilisi Open Air2025” çərçivəsində mayın 24-25-də planlaşdırılan tədbirlərlə əlaqədar Lisi gölünün yaxınlığında avtomobillərin hərəkəti qismən məhdudlaşdırılacaq. Məlumatı Tbilisi meriyası yayır.

Tbilisi meriyasının məlumatına görə, məhdudiyyət səhər saat 10:00-dan növbəti gün saat 01:00-a qədər qüvvədə olacaq, qalan müddət ərzində isə nəqliyyat müəyyən olunmuş sxem üzrə hərəkət edəcək.

“Şəxsi avtomobillər üçün hərəkət Leo Kvaçadze və Barbare Ğipiani küçələrinin kəsişməsindən Lisi gölü istiqamətində məhdudlaşdırılacaq, sürücülər isə Kvaçadze küçəsinin özündə birtərəfli, yalnız Lisinin dairəvi yolu adlanan hissəsindən İoseb Keçağmadze küçəsinə doğru hərəkət edə biləcəklər.

İoseb Keçağmadze küçəsindən Besarion Jğenti və Paata Datuaşvili küçələrinə qədər nəqliyyat Txinvala və Avto Varazi küçələrindən istifadə edərək, Besarion Jğenti və Paata Datuaşvili küçələrindən isə avtomobillər adi marşrut üzrə hərəkət edəcək.

İctimai nəqliyyata gəlincə, 329 və 363 nömrəli avtobuslar Txinvala kəndi istiqamətində Leo Kvaçadze küçəsi ilə bir istiqamətə hərəkət edəcək və geri qayıdarkən Avto Varazi küçəsindən keçəcək, bundan sonra 363 nömrəli avtobus müəyyən edilmiş sxem üzrə hərəkət edəcək, 329 nömrəli avtobus isə Paata Davitaşvili və Elquca Amaşukeli küçələri ilə Beritaşvili küçəsinə qoşulacaq, sonra isə adi sxem üzrə yoluna davam edəcək”, – məlumatda qeyd edilib.