“Gürcü Arzusu”nun insanlara uyğunlaşdırılmış islahatları həyata keçirmək üçün resursu yoxdur, çünki bu zərərli rejimdir və onun hər addımı yalnız öz hakimiyyətini və oğurlanmış vəsaiti qorumağa xidmət edir, – bu barədə “Qaxaria – Gürcüstan naminə” partiyasının üzvü, deputat Tata Xvedeliani bildirib.

Onun sözlərinə görə, “Gürcü Arzusu”nun sosial müavinət alan insanların siyahısı ilə bağlı islahatlardan siyasi səbəblərdən istifadə edəcəyinə dair şübhələr var.

“Ümumiyyətlə, “Gürcü Arzusu” ölkəmizdəki islahatları öz hakimiyyətini, siyasi təsirini gücləndirəcək şəkildə başa düşür və sonra bütün bunları öz xeyrinə istifadə edir. Müvafiq olaraq, burada da bu dəyişikliklərin həmin sahədə və ən çətin vəziyyətdə olan insanlara qarşı siyasi məqsədlər üçün istifadə ediləcəyi barədə şübhələr mövcuddur.

Lakin, əlbəttə ki, bundan əlavə, bu sahənin ümumilikdə islahatlara ehtiyacı var, bu istiqamətdə düzgün baxışların inkişaf etdirilməsinə ehtiyac var, ölkəmizdə nə vacibdir? “Gürcü Arzusu”nun yüksək rütbəli rəsmi şəxsləri bir-birinin ardınca xalqın pulunu oğurladıqlarına görə saxlanılırlar. “Gürcü Arzusu” partiyası illər ərzində bütün bunlar barədə susurdu, uşaqların bağça yeməkləri üçün pul oğurladılar, hər gün bu cür heyrətamiz hekayələr eşidirik və bütün dövlət strukturları susurdu. Bütün bunlar seçmə ədalət və klan mübarizəsi yolu ilə həll edilərkən, “Gürcü Arzusu”nun siyasətindən ən çox zərər çəkən, ən yoxsul təbəqəyə, islahat aparacaqalarını, onların kim olduqlarını, harada olduqlarını və nəyə sahib olduqlarını öyrənəcəklərini deyirlər.  Bu, çox məyus edicidir, çünki “Gürcü Arzusu” bu günlərdə xalqa olan etibarını itirib. “Gürcü Arzusu”nun xalqa uyğun islahatlar aparmaq üçün resursları yoxdur, çünki bu, yalnız öz hakimiyyətini və oğurlanmış pullarını qoruyub-saxlamağa xidmət edən pis niyyətli bir rejimdir. Buna görə də, onların hərəkətlərinin nəticə verəcəyinə inanmırıq”, – Tata Xvedeliani bildirib.

Məlumat üçün bildirək ki, Səhiyyə Nazirliyi sosial cəhətdən həssas insanların məlumat bazasının yoxlamağa başlayır. Qurumun rəhbəri Mixeil Sarcveladze qeyd edib ki, məlumat bazasında hələ də, vartıq sosial yardıma ehtiyacı olmayan insanlar və ailələr var.