Stokholmun mərkəzində iki mərtəbəli avtobus dayanacağa çırpılıb. Nəticədə bir neçə nəfər həlak olub və yaralanıb. Bu barədə məlumatı İsveç polisi yayır.

Stokholm xilasedici xidmətinin nümayəndəsinin bildirdiyinə görə, hadisə nəticəsində altı nəfər xəsarət alıb. Bununla yanaşı, xilasedici xidmət qeyd edir ki, hadisə zamanı avtobusda sərnişinlər olmayıb.

İsveç polisinin izah etdiyi kimi, bu, qəsdən edilən hücum deyildi, lakin hadisəyə nəyin səbəb olduğu məlum deyil. Polis avtobus sürücüsünü həbs edib. İstintaq davam edir.

İsveçin baş naziri Ulf Kristersson hadisəyə münasibət bildirib.

“Hadisəyə nəyin səbəb olduğu məlum deyil, lakin bu anda fikirlərim xəsarət alanlarla və onların ailələri ilədir”, – Kristersson sosial şəbəkədə yazır.