ABŞ-ın Yaxın Şərq üzrə xüsusi nümayəndəsi Stiv Uitkof israilli girovların ailələrinə bildirib ki, həm israillilər, həm də qəzzalılar məhbusların geri qaytarılmasını tələb edirlər.

Stiv Uitkofun dediyinə görə, hazırda danışıqlarda əsas diqqət müharibənin dayandırılması və girovların öz evlərinə qaytarılması olmalıdır.

“İsraillilərin əksəriyyəti girovların evlərinə qaytarılmasını tələb edir. Qəzzalıların əksəriyyəti məhbusların geri qaytarılmasını tələb edir. Hamı evinə qayıtmadan qələbə mümkün olmayacaq. Siz hamınız mənim ailə üzvlərimsiniz”, – Uitkof girovların ailələri ilə görüşü zamanı bildirib.

Məlumat üçün bildirək ki, ABŞ-ın Yaxın Şərq üzrə xüsusi nümayəndəsi Stiv Uitkof Tel-Əvivdə israilli məhbusların ailələri ilə görüşüb. Yerli medianın məlumatına görə, görüş təxminən üç saat davam edib.