Ötən 24 saat ərzində Rusiya qüvvələri Zaporojye vilayətindəki 25 kəndə müxtəlif silahlardan istifadə edərək 720 zərbə endiriblər.

Hücumlar nəticəsində evlər, avtomobillər və infrastruktur zədələnib.

Rusiya hava hücumları nəticəsində Xerson vilayətində 20-dən çox sakin yaralanıb.

Ukrayna mediasının məlumatına görə, Çerniqov vilayətində Rusiya dronunun hücumu nəticəsində qaz istehsalı obyektində yanğın baş verib.

Ukrayna Baş Qərargahının məlumatına görə, ötən 24 saat ərzində düşmənin 900 əsgəri, 6 tankı və 9 artilleriya sistemi məhv edilib.

Bununla yanaşı, Rusiya Müdafiə Nazirliyinin məlumatına görə, ötən gecə ərzində Ukrayna Rusiyaya 98 dronla hücum həyata keçirib, onlardan 11-i Moskva istiqamətində olub. Nazirliyin bəyanatına görə, dronlar havada məhv edilib.