Solçu partiyanın və “Almaniya üçün Alternativ” partiyasının üzvləri Fridrix Mertsi Vladimir Putinlə danışığa çağırırlar
Solçu partiyanın və “Almaniya üçün Alternativ” partiyasının üzvləri kansler Fridrix Mertsi Rusiya prezidenti Vladimir Putinlə danışığa çağırırlar.
Solçu partiyanın parlament fraksiyasının lideri Seren Pelman bildirir ki, hökumət uzun müddət ərzində kiçik diplomatik addımlar atırdı.
“İnsan əzabına son qoymaq üçün ən kiçik şans belə varsa, o zaman biz bunu sınamağı özümüzə borc bilirik”, – o, bildirib.
“Almaniya üçün Alternativ” partiyasının xarici siyasət məsələləri üzrə spikeri Markus Fronmayer isə tələb edir ki, kansler təklifi obyektiv və məsuliyyətlə qiymətləndirsin.
“Əgər prezident Putin danışıqlara hazır olduğunu açıq şəkildə bildirirsə, bu, diqqətdən kənarda qalmamalı, diplomatik açılış üçün fürsət kimi istifadə edilməlidir”, – Fronmayer bildirib.
Xatırladaq ki, Vladimir Putin jurnalistlərlə söhbətində bildirib ki, əgər Almaniya kansleri onunla danışmaq istəyirsə, o, buna açıqdır.