Slovakiya "Druzhba" vasitəsilə Rusiya neftini almağa başladığını bildirib

11:15, 23.04.2026

Slovakiya “Druzhba” boru kəməri vasitəsilə Rusiya neftini almağa başlayıb, – bu barədə Slovakiyanın iqtisadiyyat naziri Denisa Sakova bildirib.

Sakova qeyd edib ki, neft tədarükü bu gün yerli vaxtla saat 02:00-da başlayıb.

“Hazırda neft tədarükü razılaşdırılmış plana uyğun olaraq davam edir”, – Sakova bildirib.

Bundan əvvəl Slovakiyanın Baş naziri Robert Fitso “Druzhba” boru kəmərinin Slovakiya ilə Ukrayna arasında etimadı əhəmiyyətli dərəcədə sarsıtdığını bildirdi. Fitso Kiyevin Avropa İttifaqından kredit aldıqdan sonra neft kəmərinin fəaliyyətini yenidən dayandıra biləcəyini istisna etmir.

Müəllif - Nino Pashayeva

Dünya