Sinoptiklərin proqnozuna əsasən, gün ərzində şərqi Gürcüstanda yağıntı zəifləyəcək və küləyin güclənməsi gözlənilir.

Onların məlumatına əsasən, qərbi Gürcüstanın əksər bölgələrində hələ də yağıntı gözlənilir.

Sinoptiklər 22 yanvar tarixində ölkə miqyasında əksər hissədə yağıntısız hava və şaxtanın güclənməsini proqnozlaşdırırlar.

“Bu gün Tbilisidə qar dayanacaq. Günün sonunda şimal-qərb istiqamətində külək güclənəcək. Qərbi Gürcüstanın əksər bölgələrində hələ də yağıntı gözlənilir, bəzi yerlərdə güclü ola bilər. Şərqi Gürcüstana gəlincə, gün ərzində yağıntı zəifləyəcək. Gürcüstan ərazisində şaxta gözlənilir. Yanvarın 22-də yağıntısız hava olacaq və şaxta güclənəcək”, – sinoptik Maia Kaadze bildirib.