Sierra-Leone ABŞ tərəfindən deportasiya edilmiş Qərbi Afrika ölkələri vətəndaşlarını qəbul etməyə razıdır
Sierra Leone ABŞ tərəfindən deportasiya edilən Qərbi Afrika ölkələrinin yüzlərlə vətəndaşını qəbul etməyə razıdır. Bu barədə ölkənin xarici işlər naziri Timoti Kabba “Reuters” agentliyinə bildirib.
“Sierra-Leone növbəti 25 ay ərzində hər il Qərbi Afrika Ölkələrinin İqtisadi Birliyinə (ECOWAS) üzv dövlətlərin 300 vətəndaşını qəbul etmək üçün ABŞ ilə Üçüncü Ölkə Vətəndaşlığı Sazişi imzalayıb”, – Timoti Kabba bildirib.
Məlum olduğu kimi, deportasiya edilmiş miqrantların ilk dalğası mayın 20-də Sierra-Leoneyə çatacaq və ölkədə Seneqal, Qana, Qvinea və Nigeriyanın 25 vətəndaşı qəbul ediləcək.
“Reuters” agentliyinin yazdığına görə, miqrantlara Sierra-Leonedə uzunmüddətli qalma icazəsinin verilib-verilməyəcəyi hələlik qeyri-müəyyəndir.