Daxili İşlər Nazirliyinin Daxili Kartli Polis Departamentinin Xaşuri Rayon İdarəsinin əməkdaşları hazırda şərti məhkumluq həyatı yaşayan yetkinlik yaşına çatmayan şəxsi oğurluq ittihamı ilə saxlayıb. Məlumatı Daxili İşlər Nazirliyi yayır.

“İstintaqla müəyyən edilib ki, təqsirləndirilən şəxs gecə gec saatlarda Xaşuri şəhərində yerləşən elektrotexnika mağazasına qanunsuz daxil olaraq oradan mobil telefonları, leptopu, digər elektron cihazları və kassada olan pulu qanunsuz olaraq ələ keçirib, daha sonra isə hadisə yerindən qaçaraq gizlənib.

Kompleks şəkildə keçirilmiş əməliyyat tədbirləri və istintaq hərəkətləri nəticəsində hüquq-mühafizə orqanlarının əməkdaşları cinayəti törətmiş şəxsin şəxsiyyətini qısa müddətdə müəyyən ediblər və onu şübhəli şəxs qismində saxlayıblar. Oğurlanmış əşyalar polis tərəfindən tam şəkildə müsadirə edilib.

İstintaq Cinayət Məcəlləsinin 177-ci maddəsi ilə aparılır, bu da yeddi ilədək müddətə azadlıqdan məhrumetmə cəzasını nəzərdə tutur”, – DİN-in məlumatında qeyd olunur.