Sərhəd polisi əməkdaşları qrup halında Gürcüstanın dövlət sərhədini qanunsuz şəkildə keçməyə cəhd edən iki xarici ölkə vətəndaşını saxlayıb

Gürcüstan Daxili İşlər Nazirliyinin Sərhəd Polisi əməkdaşları Axaltsixedəki “İrmişçala” sərhəd sektorunun qorunan sahəsində Gürcüstan dövlət sərhədini qanunsuz şəkildə, qrup halında keçməyə cəhd etmək faktı üzrə iki xarici ölkə vətəndaşı – 2001-ci il təvəllüdlü E.B. və 2000-ci il təvəllüdlü M.Ş.-nı saxlayıb.

Gürcüstan Sərhəd Polisinin məlumatına görə, istintaqla müəyyən edilib ki, təqsirləndirilən şəxslər qrup halında Gürcüstandan Türkiyə Respublikası istiqamətinə sərhəd-keçid məntəqəsindən yan keçərək Gürcüstanın dövlət sərhədini qanunsuz şəkildə keçməyə cəhd ediblər.

İstintaq Gürcüstan Cinayət Məcəlləsinin 19-344-cü maddəsinin 2-ci hissəsinin “a” yarımbəndi ilə aparılır, bu isə 5 ilədək müddətə azadlıqdan məhrumetməni nəzərdə tutur.