Sərhəd Polisi dövlət sərhədini qanunsuz keçmək ittihamı ilə üç xarici ölkə vətəndaşını saxlayıb

Daxili İşlər Nazirliyinin Sərhəd Polisi Departamentinin əməkdaşları Acarada keçirilmiş əməliyyat-axtarış tədbirləri nəticəsində Gürcüstan dövlət sərhədini qanunsuz keçmək ittihamı ilə üç xarici ölkə vətəndaşını — 1981-ci il təvəllüdlü H.Q., 1998-ci il təvəllüdlü B.K. və 1995-ci il təvəllüdlü B.S.-nı saxlayıblar.

Gürcüstanın Sərhəd Polisi məlumat yayır.

“İstintaqla müəyyən edilib ki, təqsirləndirilən şəxslər yük maşınının qoşqusunda gizlənərək “Sarpi” sərhəd-keçid məntəqəsini keçərək Türkiyə Respublikasından Gürcüstan istiqamətində Gürcüstanın dövlət sərhədini qanunsuz keçiblər.

İstintaq Gürcüstan Cinayət Məcəlləsinin 344-cü maddəsinin 1-ci hissəsi ilə aparılır, bu da 5 ilə qədər müddətə azadlıqdan məhrum etməni nəzərdə tutur”, – məlumatda deyilib.