Serqey Şoyqu – Ukrayna Silahlı Qüvvələrini Rusiya ərazisindən çıxarmayana qədər heç bir danışıqlar olmayacaq

 
Ukrayna Silahlı Qüvvələrini Rusiya ərazisindən çıxarmayana qədər heç bir danışıqlar olmayacaq – bu haqda Rusiyanın Təhlükəsizlik Şurasının katibi Serqey Şoyqu “Rossiya-24” telekanalına müsahibəsində bildirib.

Şoyqu bildirib ki, Ukraynanın Kursk Atom Elektrik Stansiyasında nüvə terroru həyata keçirmək istəyi terrorizmin ən yüksək səviyyəsidir.

“Biz onları öz ərazimizdən çıxarmayana qədər, təbii ki, onlarla heç bir danışıqlar aparmayacağıq. Çox vacib bir məqam var, bu Kurskdur. Biz terrorçularla heç bir danışıqlar aparmamışıq, indi də aparmırıq və gələcəkdə də aparmayacağıq. Aparmırıq, çünki Kursk Atom Elektrik Stansiyasında nüvə terrorunun həyata keçirilməsi terrorun ən yüksək səviyyəsindən başqa bir şey deyil. Onların Kursk Atom Elektrik Stansiyasını ələ keçirmək istəyi və cəhdi var idi, xoşbəxtlikdən bu baş vermədi” – Serqey Şoyqu qeyd edib.