Şimali Koreya xüsusi hərbi əməliyyatın bütün məqsədlərinə və Rusiyanın hərəkətlərinə birmənalı dəstəyini təsdiqlədi, – Bu barədə Rusiya Xarici İşlər Naziri Sergey Lavrov Şimali Koreya Xarici İşlər Naziri Çoi Son His ilə danışıqlardan sonra keçirilən mətbuat konfransında bildirib.

“Biz Ukrayna böhranı ilə bağlı mövcud vəziyyət barədə fikir mübadiləsi apardıq. Şimali Koreyalı dostlarımız xüsusi hərbi əməliyyatın bütün məqsədlərinə, Rusiya rəhbərliyinə və Rusiya ordusunun hərəkətlərinə qəti dəstəyini təsdiqlədilər. Öz növbəmizdə, Kursk regionunun azad edilməsi əməliyyatının uğurla başa çatdırılmasında Koreya Xalq Ordusunun hərbi qulluqçularının töhfəsinə bir daha səmimi təşəkkürümüzü bildirdik”, – deyə Lavrov bildirib.

Rusiya XİN rəhbəri qeyd edib ki, Şimali Koreya Kursk bölgəsinin azad edilməsində Rusiyaya hərbi yardım təklif edib.

“Bizim bu səmimi həmrəylik ifadəsindən imtina etmək üçün heç bir səbəbimiz yox idi”, – Lavrov qeyd edib.

Bununla yanaşı, Lavrovun dediyinə görə, Vladimir Putin və Kim Çen In daimi təmasdadır.

Məlumat üçün bildirək ki, Sergey Lavrov Şimali Koreyada səfərdədir.